Aperaa pillugu
Aperaa.gl tassaavoq piaartumik sinniisuuffiusunik qarasaasiatigut siammarterneqarluni isumasiorfik nutaaliaasoq, akissuteqartunit smartphoniisigut toqqaannartumik akineqartartoq. Attaveqaqatigiinnerup, tusagassiisarnerit, pilerisaarinerit, ineriartortitsinerit, tunitsiviit, sullissisarfiit, periusissiornerit il.il. iluini suliaqartunut sakkussatsialaasoq.
Aperaa-gl-ip kræftimut akiuiniarneq tapersersorpaa, misissuinerni tamani immikkut aningaasat aalajangersimasut Neriuffimmut tunissutigisarnerisigut. Siunertap taassuma pitsaasup tapersersornerata saniatigut misissuinerni akissuteqartartunut ingerlaavartumik nalunaartarnissamut kiisalu akissuteqartut amerlasarnissaannut tamanna kaammattuutaavoq.
​
Siammarterisarfik Opeepl, nunarsuaq tamakkerlugu isumasiuisarfik, Aperaa-p teknikikkut tunngavigivaa.
AKUNNEQ ATAASIINNAQ ATORLUGU APEQQUTEQARNERMIT ANGUSAQARNERMUT
AAQQISSUGAANEQ
Misissuinissaq qarasaasiami routingimut, killilersuinermut il.il. siuarsimasumik periarfissaqartillugu aaqqissugaassaaq, kiisalu apersueriaaserlugu, assersuutigalugu apeqqutit ammasumik akissutissallit, multiple choice, single choice, assit, video il.il.
​
Misiliineq akuersinerlu
KATERSUINEQ
Misissuineq akissuteqartussanut nalaatsortunut sms-itut nassiussorneqassaaq misissuinermut attavilerlugu.
Suiassuseq, utoqqaassuseq nunallu immikkoortuiniinnerit eqqarsaatigalugit akissuteqartussat eqqortumik sinniisuunissaat qarasaasiap isumagissavaa.
​
Akissutit amerlassusissaattut kissaatigineqartut katersorneqarpata, qarasaasiap matussavaa angusallu piareerlugit.
NALUNAARUSIORNEQ
Angusat tabelinut grafinullu qarasaasiap aaqqissuutissavai, soorlu suiaassuseq, utoqqaassuseq sumiuussuserlu eqqarsaatigalugit killilersorlugit.
Angusat grafitut paasiuminartunngorlugit kiisalu excelimi paasissutissatut tunniunneqassapput suliareqqitassanngorlugit.
Sinniisuuffeqartitsineq
Opeepl-imit atortussiap siuarsagaasup imminik qulakkeertarpaa, angusat tamakkerlutik sinniisuuffeqarnisssaat taavalu akissuteqartutut eqqikkartut amerlavallaanik ikippallaanilluunniit sinniisuuffeqannginnissaat.
Isumasiuinerni tamanitulli naatsersueqqissaarnermi nalorninartoqarpoq, nalinginnaasumik 1 aamma 4 procentit akornanniittumik, akissuteqartut amerlassusii apeqqutaalluni.